མངའ་རིས་ཞང་ཞུང་རིག་གནས་ཡུལ་སྐོར་དུས་ཆེན་སྟེང་གི་རིག་རྩལ་འཁྲབ་སྟོན།
དགའ་སྤྲོའི་གར་ལ་འཁྲབ་པ།
ཟླ༨ཚེས༣ཉིན། བོད་ལྗོངས་མངའ་རིས་ས་ཁུལ་གྱིས་མངའ་རིས་སེང་གེ་ཁ་བབས་གྲོང་རྡལ་དུ་ཞང་ཞུང་རིག་གནས་ཡུལ་སྐོར་དུས་ཆེན་སྐབས་བཞི་བ་འཚོགས་པ་རེད།
སྐབས་འདིའི་ཞང་ཞུང་རིག་གནས་ཡུལ་སྐོར་དུས་ཆེན་གྱི་སྐབས་སུ། མངའ་རིས་ཀྱིས་རྣམ་པ་མང་པོའི་ཡུལ་སྐོར་དྲིལ་སྒྲོག་བྱ་འགུལ་སྤེལ་པ་དང་། ཡུལ་སྐོར་བ་རྩ་འཛུགས་བྱས་ཏེ་ལྗོངས་དངོས་ཀྱི་རང་བྱུང་མཛེས་ལྗོངས་དང་སྤྱི་ཚོགས་ཡུལ་ལྗོངས་ལ་ལྟ་སྐོར་བྱེད་དུ་བཅུག་པ། དེ་དང་ཆབས་ཅིག་ཏུ་མངའ་རིས་ཞི་བས་བཅིངས་འགྲོལ་བཏང་ནས་ལོ་འཁོར༦༠ལོན་པའི་གྲུབ་འབྲས་འགྲེམ་སྟོན་བྱས་ཏེ། 1951ལོའི་ཟླ༨ཚེས༣ཉིན་མངའ་རིས་ཞི་བས་བཅིངས་འགྲོལ་བྱས་པ་ནས་བཟུང་དཔལ་འབྱོར་སྤྱི་ཚོགས་འཕེལ་རྒྱས་ཀྱི་གྲུབ་འབྲས་སྣ་ཚོགས་བསྟན་པ་རེད།
མངའ་རིས་ས་ཁུལ་སྲིད་འཛིན་སྤྱི་བཀོད་རྒྱུན་ལས་ཀྱི་ཆེད་མི་ཟླ་བ་བཀྲ་ཤིས་ཀྱིས་བཤད་རྒྱུར། མངའ་རིས་ཞང་ཞུང་རིག་གནས་ཡུལ་སྐོར་དུས་ཆེན་འདི་ད་བར་དུ་སྐབས་གསུམ་ལ་སྤེལ་པ་ཡིན་ཞིང་། མངའ་རིས་ཡུལ་སྐོར་འཕེལ་རྒྱས་ཀྱི་སྒུལ་ཤུགས་གཙོ་བོར་གྱུར་ཡོད་པ་དང་། “བོད་ལྗོངས་ནུབ་རྒྱུད་ཀྱི་གསང་གནས། སྟེང་ཕྱོགས་མངའ་རིས”ཞེས་པའི་ཡུལ་སྐོར་གྱི་སྣང་བརྙན་རྒྱ་ཁྱབ་དུ་དྲིལ་བསྒྲགས་བྱེད་ཐུབ་པ་བྱུང་ཟེར།
ཞང་ཞུང་ནི་བོད་ལྗོངས་གནའ་རབས་ལོ་རྒྱུས་ཀྱི་རྒྱལ་ཁམས་ཤིག་ཡིན་ཏེ། ཧ་ལམ་སྤྱི་ལོ་དུས་རབས༧པའི་སྐབས་སུ་ཐུ་བྷོད་རྒྱལ་ཁམས་ཀྱིས་མངའ་བསྒྱུར་བ་རེད། མངའ་རིས་ས་ཁུལ་གྱི་ཞང་ཞུང་གླང་ཆེན་ཁ་འབབ་དང་སེང་གེ་ཁ་འབབ་སོགས་ཀྱི་ཆུ་རྒྱུན་དག་ནི་ཞང་ཞུང་གི་དཀྱིལ་དབུས་ཡིན་ཞིང་། འདི་ནས་ས་གནས་རང་གི་ཆོས་ལུགས་དང་ཡི་གེ གསོ་རིག་སོགས་ཞང་ཞུང་རིག་གནས་བརྡོལ་བ་དང་། བོད་ལྗོངས་ཤེས་རིག་ལོ་རྒྱུས་སུ་གལ་ཆེ་བའི་གོ་གནས་ཟིན་ཡོད།
གཟབ་འཆོར་སྤྲས་པའི་མངའ་རིས་ཞང་ཞུང་བུ་མོ།
ལྟད་མོ་བ་རྣམས་ཀྱིས་འཁྲབ་སྟོན་ལ་གཟིགས་པ།