བླ་ཆེན་དྲན་པ་ནམ་མཁའི་སྒྲུབ་གནས་བྱང་ཕྱོགས་གོང་མོ་གུར་ཁང་།
གྲུབ་གནས་ཁྱད་པར་ཅན་བྱང་ཕྱོགས་གོང་མོ་གུར་ཁང་གི་གནས་རི་ཧྲིལ་བོ།
ད་ལོའི་དབྱར་ཟླ་ར་བར་༧སྐྱབས་རྗེ་བོན་བརྒྱ་རིན་པོ་ཆེའི་སློབ་འབངས་འཁོར་དང་བཅས་པ་གནས་དེར་ཆིབས་བསྒྱུར་གནང་བཞིན་པའི་ཚུལ།
གྲུབ་པའི་གནས་མཆོག་ཁྱད་པར་ཅན་འདི་ནི་རེབ་གོང་གསེར་མོ་ལྗོངས་ཀྱི་མཐའ་སྐོར་དུ་གྲུབ་གནས་བརྒྱད་ཡོད་པའི་ནང་ཚན་ཏེ། ཇི་སྐད་དུ། བྱང་ཕྱོགས་གོང་མོ་གུར་ཁང་ན། །བོན་སྟོན་དྲན་པ་ནམ་མཁའ་གྲུབ། །ཅེས་པ་ལྟར་བོད་རྒྱལ་ཁྲི་སྲོང་གི་དུས་སུ་བླ་ཆེན་དྲན་པ་ནམ་མཁའ་ཕྱོགས་འདིར་ཕེབས་ནས་བྱིན་གྱིས་བརླབས་པའི་གྲུབ་གནས་ཁྱད་པར་ཅན་ཡིན། དྲན་པས་ཨ་བ་ངོས་བཟང་གི་དགོན་སྡེ་བཏབས་ཤིང་རེབ་གོང་ཕྱོགས་སུ་བོན་གྱི་བསྟན་པ་སྤེལ། ༡༩༥༨ཡར་སྔོན་དུ་གནས་འདིར་མཚམས་ཁང་བཅུ་ཁ་ཙམ་ཡོད་ལ། ད་ལྟ་གླིང་བརྒྱ་ཁྱུང་བོ་གཉིས་ནས་མཚམས་ཁང་རེ་རེ་བཞེངས་པ་མཐོང་ཡུལ་དུ་གྱུར་པ་འདི་གའོ།།