ལུགས་རྙིང་ལྕགས་མོ་ཡོས་ལོའི་གནམ་ལོ་གསར་ཚེས་ལ་བཀྲ་ཤིས་བདེ་ལེགས་ཞུ་བ་དང་། དུས་ལྟར་ངེད་དྲ་བར་གཟིགས་ཕེབས་གནང་བའི་འཛམ་གླིང་ཡུལ་གྲུ་ཀུན་ཏུ་བཞུགས་པའི་བོད་རིགས་སྤུན་ཟླ་རྣམས་དང་གཡུང་དྲུང་བོན་གྲོགས་ཚང་མར། ལོ་གསར་བའི་ནང་བྱ་བ་ལམ་འགྲོ་དང་མཛད་འཕྲིན་ཡར་རྒྱས། བརྒྱ་བའི་མགོན་པོ༧སྟོན་མཆོག་རྒྱལ་བའི་གཤེན་རབ་མི་བོ་ཆེའི་བསྟན་པ་རིན་པོ་ཆེ་འདི་ཉིད་ཕྱོགས་དུས་གནས་སྐབས་ཀུན་ཏུ་དར་ཞིང་། འཛམ་གླིང་ཀུན་ཏུ་ཞི་བདེའི་དཔལ་ལ་སྤྱོད་ཅིང་། ཅི་བསམ་ལྷུན་གྱིས་འགྲུབ་པའི་སྨོན་འདུན་དང་མུ་མཐུད་ནས་ངེད་དྲ་བར་གཟིགས་ཕེབས་གནང་བའི་དགའ་བསུ་དང་ཁ་གཡང་འབོད་བཞིན་ཡོད།
ལྷ་རྒྱལ་ལོ། །བོན་རྒྱལ་ལོ། །གཤེན་རྒྱལ་ལོ། །གྱེར་བསྟན་རྒྱལ་ལོ། །