ཨི་ཏ་ལིའི་རྒྱལ་ཁབ་དུ་བཞུགས་པའི་བོད་རིགས་མཁས་པ་གྲགས་ཅན་ནམ་མཁའི་ནོར་བུ་མཆོག་ནི། སྤྱི་ལོ་༡༩༣༨ལོར་མདོ་ཁམས་སྡེ་དགེ་ལྕང་རའི་ཉེ་འགྲམ་དགེ་འུག་ཅེས་པའི་ཡུལ་དུ་འཁྲུངས། དགུང་ལོ་གསུམ་པའི་སྟེང་ཨ་འཛོམས་རིན་པོ་ཆེའི་སྤྲུལ་སྐུར་ངོས་འཛིན་གནང་།
ཁོང་གི་གསུང་རྩོམ་ནི་༼བོད་ཀྱི་ལོ་རྒྱུས་ལས་འཕྲོས་པའི་གཏམ་ནོར་བུའི་དོ་ཤལ༽ ༼ཞང་བོད་ལོ་རྒྱུས་ཏི་སེའི་འོད༽དང་༼གཟི་ཡི་ཕྲེང་བ༽ཞེས་པ་ནི་བོད་ཀྱི་གནའ་བོའི་ལོ་རྒྱུས་སྐོར། ༼སྒྲུང་ལྡེའུ་བོན་གསུམ་གྱི་གཏམ༽ ༼དཔེ་རྙིང་སྦས་པའི་རྒུམ་ཆུང་གི་ཕྱི་མོའི་སྐོར༽དང་༼རྫོགས་ཆེན་སྐོར་གྱི་དྲིས་ལན༽བྱ་བ་གཉིས་ནི་བོད་ཀྱི་གནའ་བོའི་ཆོས་ལུགས་སྐོར་དང་། ད་དུང་བོད་ཀྱི་གསོ་བ་རིག་པའི་སྐོར་ལ་༼བོད་ཀྱི་གསོ་རིག་ལས་མངལ་ཆགས་ཚུལ་དང་དེར་བརྟག་ཐབས༽བྱ་བ་དང་། སྤྱི་ཚོགས་རྟོག་དཔྱོད་སྐོར་གྱི་རྩོམ་ཡིག༼བྱང་འབྲོག་ལམ་ཡིག༽བཅས་མཛད་ཡོད།