བྲུ་རྗེ་བཙུན་གཡུང་དྲུང་བླ་མས་རབ་བྱུང་དང་བོའི་ཆུ་བྱི༼༡༠༧༢༽ལོར་ཕྱག་བཏབ། གྲྭ་ཚང་གླིང་བཞིར་དབྱེ་ཞིང་། མཚན་ཉིད་དང་གསང་སྔགས་ཟུང་དུ་འབྲེལ་ཞིང་བཙུན་པ་སྡོམ་གཙང་སྟོང་ཙམ་ལ་ཉེ་བའི་གདན་ས་ཁྱད་དུ་འཕགས་པ་ཞིག་ཏུ་གྱུར། བརྒྱུད་པའི་བསྟན་འཛིན་ནི་ཐོག་མར་རྗེའི་དབོན་སྤྲུལ་སྐུ་ཉི་མ་རྒྱལ་མཚན་ནས་སྲས་ནམ་མཁའ་རྒྱལ་སོགས་གདུང་བརྒྱུད་རིམ་པར་བྱོན་པ་དང་། མཁས་གྲུབ་ཆེན་པོ་མེ་གཉོས་གཉིས་དང་། འགྲོ་མགོན་ཁུ་དབོན་སོགས་གཡུང་དྲུང་བོན་གྱི་བསྟན་པ་འཛིན་པའི་གཤེན་ཆེན་བཅོ་བརྒྱད་ཙམ་གྱི་སྐུ་དུས་སུ་བཤད་སྒྲུབ་ཀྱི་བསྟན་པ་དར་ཞིང་གོང་དུ་འཕེལ། དེ་རྗེས་ལས་དབང་གི་རྐྱེན་པས་རབ་བྱུང་བདུན་པའི་ཤིང་སྤྲེལ༼༡༤༠༤༽ལོར་སྤང་བརྡོལ་ཆུ་ལོག་གིས་བསྣུབས་ནས་དམིགས་མེད་དུ་གྱུར།