ཀུན་རིག་མཆོད་འབུལ་སྐབས་སུ་བླ་གྲྭ་རྣམས་ཀྱི་འདྲ་དཔར།
བླ་མ་རྣམས་ཀྱི་བཞུགས་གྲལ།
བླ་གྲྭ་རྣམས་ཀྱི་གདུང་བསྲེགས་ཞུགས་འབུལ་གྲ་སྒྲིག
སྒྲུབ་གཤེན་རྣམས་ཀྱིས་ཀུན་རིག་ལས་བཞི་རྒྱུན་ལྔའི་འཕྲིན་ལས་གསུང་བཞིན་པ།
བླ་མ་རྣམས་ཀྱིས་འཕྲིན་ལས་གསུང་བཞིན་པ།
སྒྲུབ་གཤེན་རྣམ་པ་བཞུགས་གྲལ་དུ་འཁོད་པ།
བླ་མ་རྣམས་ཀྱིས་ཀུན་རིག་གི་མེ་སྤར་མཛད་བཞིན་པ།
ཀུན་རིག་ལས་བཞི་རྒྱུན་ལྔའི་སྐུ་གསུམ་སྡོང་བུ།
ཀུན་རིག་ལས་བཞི་རྒྱུན་ལྔའི་གོང་གཏོར།
ཀུན་རིག་གི་མཆོད་རྫས་འཕེན་གདུགས་རྒྱལ་མཚན།
ཀུན་རིག་གི་སྨོན་ལམ་ཤིང་རིང་དང་མཆོད་ཕྲེང་།
ཀུན་རིག་གི་མཆོད་པའི་བཤམས་བདར།
ཀུན་རིག་གི་སྨོན་ལམ་ཤིང་རིང་རྣམས།
ལས་བཞི་རྒྱུན་ལྔའི་མཆོད་ཕྲེང་བཤམས་བདར།
སྤྱི་ལོ་ ༢༠༡༠ ལོའི་ཟླ་ ༤ ཚེས་ ༡༤ ཉིན་སྐྱེ་དགུ་གྲོང་ཁྱེར་ས་འགུལ་གྱིས་གནོད་སྐྱོན་ཆེན་པོ་བྱུང་ནས་བོད་རིགས་གཙོས་མང་ཚོགས་གྲངས་མང་ཞིག་འདས་གྲོངས་སོང་བར་བརྟེན་བརྩེ་སེམས་དང་སྙིང་རྗེའི་ཀུན་ནས་སློང་སྟེ་གཤིན་པོ་རྣམས་ཐར་པའི་གོ་འཕང་ཐོབ་ཐབས་དང་། གསོན་བཞུགས་རྣམས་བར་ཆད་རྐྱེན་བཟློག་གི་གདུང་སེམས་མཉམ་བསྐྱེད་དེ་རྩམ་གཟན་ཙམ་དུ་མ་ཚད་ཡིད་ཅན་ཀུན་གྱིས་ཐུགས་དབུས་སུ་འཛིན་རྒྱུ་གལ་ཆེ། དེས་ན་གཡུང་དྲུང་བོན་གྱི་ལྷ་སྡེ་མི་དམངས་ཀྱིས་དེ་སྔོན་གདུང་སེམས་མཉམ་བསྐྱེད་དགེ་བསྐུལ་གནང་བར་རྗེས་སུ་ཡི་རངས་དང་ཤ་རུས་གཅིག་པའི་སྤུན་ཟླ་རྣམས་ལ་དུས་ནམ་ཡང་བརྩེ་བའི་འོད་སྣང་དེ་ནུབ་ཐབས་མེད་ལ། ད་ལན་བོན་གྱི་ལྷ་སྡེ་སྐམ་ཚང་དགོན་དང་། བླ་ཁྲི་དགོན། སྤང་དགོན་དགོན་བཅས་ཀྱི་བླ་གྲྭ་གྲངས་མང་མ་བསྐུལ་དྭངས་ལེན་ཐོག་སྐྱེ་དགུ་གྲོང་ཁྱེར་དུ་འདས་གྲོངས་སོང་བའི་འདས་པ་དང་འདས་མ་རྣམས་ཀྱི་ཆེད་དུ། ཀུན་རིག་ལས་བཞི་རྒྱུན་ལྔ་དང་། ཞི་ཁྲོ་དམ་པ་རིགས་བརྒྱ། བདེར་གཤེགས་སྟོང་རྩ་སོགས་བོན་ཕྱི་ནང་གསང་གསུམ་གྱི་དཀྱིལ་འཁོར་བཅུ་ཕྲག་ཞལ་ཕྱེས་ནས་ཉིན་བཅུ་དྲུག་རིང་བསྔོ་སྨོན་རྣམ་པར་དག་པའི་མཚམས་སྦྱར་ཏེ་མིང་རུས་གསེར་དངུལ་ཁོ་ནས་བྲིས་ཏེ་ཤི་དགེ་གསོན་རིམ་གྱི་དགེ་བསྐུལ་མཆོད་སྦྱིན་ལེགས་པར་མཛད་པའི་གནས་ཚུལ་ལ་བསྔགས་འོས་ཀྱི་དཔལ་དུ་ཆེ། སྐབས་འདིའི་དགེ་བསྒྲུབ་མཆོད་འབུལ་གྱི་འགྲོ་གྲོན་ནི་སྐམ་བླ་ཀུན་མཁྱེན་གཡུང་དྲུང་དང་། བླ་ཁྲི་རྒྱལ་བ་གཡུང་དྲུང་། སྨན་སྤྲུལ་བློ་གྲོས་ཉི་མ་བཅས་ནས་བཏང་བའོ། །
འདིར་བྱུང་རྣམ་དཀར་དགེ་བ་ཅི་མཆིས་པ། །
མཁའ་མཉམ་ལ་སོགས་འགྲོ་ཀུན་ཐམས་ཅད་ཀྱི། །
ཉོན་ཤེས་སྒྲིབ་པ་མ་ལུས་ཀུན་བྱང་ནས། །
སྐུ་གསུམ་གོ་འཕང་ཐོབ་པའི་རྒྱུ་རུ་ཤོག །