༧གཡུང་དྲུང་བོན་གྱི་གདན་ས་དཔལ་གཤེན་བསྟན་སྨན་རིའི་གླིང་དུ་སྲིད་རྒྱལ་འབུམ་ཚོགས་གསུང་བཞིན་པ།
དེ་ཡང་ཕན་བདེ་འབྱུང་གནས་སངས་རྒྱས་གཡུང་དྲུང་བོན་གྱི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་ཤིང་། ༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་མཁན་སློབ་རྣམ་པ་གཙོས། རིས་མེད་སྐྱེས་ཆེན་དམ་པ་གང་ན་སུ་བཞུགས་རྣམས་ཀྱི་སྐུ་ཚེ་བསྐལ་བརྒྱར་བརྟན་ཞིང་ཐུགས་ཀྱི་བཞེད་དོན་ཐམས་ཅད་ལྷུན་གྱིས་འགྲུབ་པ་དང་། འགྲོ་བ་སེམས་ཅན་ཡོངས་ཀྱི་མི་མཐུན་པའི་འགལ་རྐྱེན་མ་ལུས་ཞི་ཞིང་འཚེ་མེད་ཞི་བདེའི་དཔལ་ལ་རོལ་པ་སོགས་ཀྱི་ཆེད་དུ། ཕྱི་ལོ་༢༠༡༡ཟླ་༡༢་ཚེས་༡༧ནས་ཉིན་བདུན་གྱི་རིང་ལ་༧གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་ནས་བཀའ་སྐྱོང་ཡེ་ཤེས་དབལ་མོ། བསྟན་སྲུང་ཡོངས་ཀྱི་གཙོ་མོ། བདེ་འགྲོ་གསང་བའི་ཡུམ་གྱི་འབུམ་ཚོགས་རྒྱས་འབུལ་ཞུ་བཞིན་ཡོད་པ་བཅས་ཀྱི་གནས་བསྡུས།
སྲིད་རྒྱལ་འབུམ་ཚོགས་གསུངས་བཞིན་པའི་སྐབས།
གྲྭ་ཚང་འདུས་མང་ནས་སྲིད་རྒྱལ་འབུམ་ཚོགས་གསུངས་བཞིན་པ།
འབུམ་ཚོགས་སྐབས་ཀྱི་ཚོགས་གཏོར་དང་ཚོགས་རྫས།