རྟོགས་ལྡན་༧ཁྲི་བ་འཇམ་དབྱངས་མཁྱེན་རབ་རྒྱ་མཚོ་རིན་པོ་ཆེ་རྒྱལ་སྲས་བྱང་ཆུབ་སེམས་དཔའི་ཚུལ་བཟུང་ནས་ལོ་འཁོར་བརྒྱད་ཅུར་ལེན་པའི་དུས་སྟོན་སྤེལ་བ།
རྟོགས་ལྡན་ཁྲི་བ་འཇམ་དབྱངས་མཁྱེན་རབ་རྒྱ་མཚོ་རིན་པོ་ཆེ།
ཕྱོགས་ཕྱོགས་ནས་ཕེབས་པའི་བླ་གྲྭ་རྣམས་ཀྱིས་༧རིན་པོ་ཆེ་ཕེབས་བསུ་བྱེད་བཞིན་པ།
རིན་པོ་ཆེའི་གྱ་སྟོན་ལ་ཡོང་བའི་དད་ལྡན་དམངས་ཚོགས།
འབྱུང་ལྡན་༣༠༡འབྱུང་ལོ་༡༨༠༢༩བོད་རབ་བྱུང་བཅུ་བདུན་པའི་ཆུ་འབྲུག་ལོའི་ཟླ་དང་བོའི་ཚེས་གཅིག་ཉིན་ནས་དབུ་བཟུང་སྟེ་མདོ་སྨད་བོན་གྱི་གདན་ས་རྟོགས་ལྡན་དགོན་པའི་༧ཁྲི་བ་འཇམ་དབྱངས་མཁྱེན་རབ་རྒྱ་མཚོ་རིན་པོ་ཆེ་མཆོག་གི་བརྒྱད་ཅུ་གྱ་སྟོན་དགོན་དེ་ག་རུ་མཛད་སྒོ་སྤེལ་བ་རེད། དེ་ཡང་དགོན་སྡེ་བརྒྱ་ཕྲག་ལྷག་གི་སྐུ་ཚབ་ཏུ་ཕེབས་པའི་མཁན་པོ་དང་བླ་མ། སྤྲུལ་སྐུ། དགེ་བཤེས། གྲྭ་བཙུན་སོགས་བདུན་བརྒྱ་ལྷག་དང་། དེ་བཞིན་སྔགས་འཆང་དང་དད་ལྡན་དམངས་ཚོགས་དྲུག་སྟོང་ལྷག་ཁྲི་བ་རིན་པོ་ཆེའི་གྱ་སྟོན་དུ་ཕེབས་ཡོད་པ་དང་། ཁྱད་པར་དུ་རྔ་བ་རྫོང་གི་གྲུབ་མཐའ་རིས་མེད་ཀྱི་དགོན་སྡེ་ཚང་མའི་སྐུ་ཚབ་དང་ཡང་སྒོས་སུ་སྣང་ཞིག་དགོན་ཆེན་ནས་བླ་གྲྭ་ཉིས་བརྒྱ་ལྷག་ཕེབས་ཡོད་ཅིང་། གྱ་སྟོན་གྱི་དུས་སྟོན་དེ་བོད་ཆུ་འབྲུག་ལོའི་ཚེས་གཅིག་ནས་དབུ་བཟུང་སྟེ་ཚེས་ལྔའི་བར་དུ་གྱ་སྟོན་གནང་རྒྱུ་རེད།