དེ་ཡང་འབྱུང་ལྡན་༣༠༡འབྱུང་ལོ༡༨༠༢༩བོད་ཆུ་འབྲུག་ལོའི་ཟླ༡ཚེས་ལྔ་ཕྱི་མ་༼༢༠༡༢་༢་༢༧༽ཉིན་ལ་པེ་ཅིང་ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་སློབ་ཁང་གསར་པ་ཚོམས་ཆེན་ཉི་འོད་འཁྱིལ་བར་ནང་བསྟན་སློབ་གླིང་གིས་བཀོད་སྒྲིག་ལྟར་དུ་སློབ་གླིང་དེ་གར་བཞུགས་པའི་བོན་གྱི་དགེ་སློབ་རྣམ་པས་༧རྗེ་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་མཆོག་གི་དུས་མཆོད་ཆེན་མོ་འཚོགས་པ་རེད།
སྤྱིར་ནང་བསྟན་སློབ་གླིང་དུ་བོད་ཀྱི་ཆོས་བརྒྱུད་ཆེན་མོ་དྲུག་གམ་གྲུབ་མཐའ་ཆེན་མོ་དྲུག་པོ་སོ་སོ་ཐུན་མོངས་མ་ཡིན་པའི་དུས་ཆེན་རེ་འཚོགས་སྲོལ་བཙུགས་པ་བཞིན་དུ་གཡུང་དྲུང་བོན་ལའང་༧རྗེ་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་གྱི་དུས་ཆེན་འཚོགས་སྲོལ་བཙུགས་ཡོད་པ་རེད།
དགེ་སློབ་རྣམ་པས་༧རྗེ་རིན་པོ་ཆེ་མཉམ་མེད་ཤེས་རབ་རྒྱལ་མཚན་མཆོག་གི་ཕྱི་ནང་གསང་བའི་གསོལ་བསྟོད་མཆོད་གཞུང་སོགས་ཀྱི་ཆོ་ག་སྤེལ་བ།
ད་ལོའི་དུས་ཆེན་འཚོགས་པ་དེ་ལོ་རྒྱུས་ཀྱི་སྟེང་དུ་པེ་ཅིང་ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་དུ་༧རྗེ་རིན་པོ་ཆེ་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་གྱི་དུས་མཆོད་ཆེན་མོ་འཚོགས་ཐེངས་གཉིས་པ་དེ་ཆགས་ཡོད་པ་རེད།