རང་རིགས་ལ་ཕན་འདོགས་དང་བརྩེ་བ་ཟབ་པའི་རྒྱ་ཆེ་བའི་སྨྱུག་ཐོགས་པ་ཀུན་གྱི་སྤྱན་སྔར་ཞུ་གསོལ།
ཁོར་ཡུག་གི་གཞི་རྒྱ་ཆེ་ཞིང་ལོ་རྒྱུས་ཀྱི་རྨང་གཞི་ཟབ་པའི་ཞང་བོད་ཀྱི་ཡུལ་གྲུ་ཆེན་པོ་འདིར། རྒྱལ་གཤེན་བསྟན་པ་མཉམ་ཆགས་སུ་བསྐྱངས་ནས་ལོ་ངོ་བཞི་སྟོང་སྟོང་ལྷག་གི་ལོ་རྒྱུས་ཡོད་པ་ཀུན་གྱིས་ར་སྤྲོད་བྱུང་ཡོད་ནའང་། བསྟན་པ་འཕེལ་འགྲིབ་དང་གྲུབ་མཐའི་རྩོད་གླེང་གིས་ཞང་བོད་ཀྱི་ལོ་རྒྱུས་ཁུངས་བཙུན་ཐམས་ཅད་ཁྱུར་མིད་དུ་བཏང་ནས་ལག་སོན་དཀའ་བའི་གནས་སུ་གྱུར། དེང་གི་དུས་ནའང་བཤད་ཡམས་དང་འཁྱོགས་བརྗོད་ཀྱིས་ལོ་རྒྱུས་ཀྱི་མགོ་རྟིང་སློག་པ་ལྟ་ཅི། ཐ་ན་ས་ཆུའི་གནས་བབས་ཀྱི་མིང་བརྡ་ཙམ་ལའང་ལོ་རེ་བཞིན་དུ་བསྒྱུར་བཟོ་དང་བྱུང་རྒྱལ་དུ་སྨྲ་བ་ཇེ་མང་དུ་འགྲོ་བས་ན། མེས་པོའི་གནའ་ཤུལ་རྔོག་འདོན་དང་སྲོལ་རྒྱུན་རིག་གནས་སྲུང་སྐྱོབ་བྱེད་པར་ཆེད་དུ་དམིགས་ནས། ངེད་རྩོམ་སྒྲིག་པ་ལྷན་རྒྱས་གྲོས་འཆམ་བྱུང་སྟེ་«ཞང་བོད་ཞིབ་འཇུག»ཅེས་པའི་ལོ་དེབ་པར་བསྐྲུན་བྱེད་པ་ལ་རྒྱ་ཆེ་རྩོམ་པ་པོ་རྣམས་ཀྱིས་ལྗགས་རྩོམ་ལྷུག་པོར་བསྐུར་བར་དགའ་བསུ་ཞུ།
རྩོམ་ཡིག་གི་ཐད་ནས་བླང་བྱ་གསུམ་གྱི་སྒོ་ནས་ངོས་ལེན་བྱེད་རྒྱུ་ཡིན་ཏེ། དང་པོ་གནའ་རབས་གཡུང་དྲུང་བོན་དང་འབྲེལ་བའི་ལོ་རྒྱུས་ཏེ་རྒྱལ་གཤེན་བསྟན་པའི་བྱུང་རིམ་དང་། དགོན་སྡེ་རི་ཁྲོད་ཆགས་རིམ། གྲུབ་གནས་ས་མིང་མཚམས་སྦྱོར། བསྟན་འཛིན་སྐྱེས་བུའི་མཛད་རྣམ་སོགས་ཡིན་དགོས་པ། གཉིས་པ་ཕྱོགས་རིས་ཐེར་ཟུག་གི་ལྟ་བ་དོར་ནས་ཚད་མ་གསུམ་དང་མི་འགལ་བའི་དཔྱད་བརྗོད་བགྲོ་གླེང་ཡིན་དགོས་པ། གསུམ་པ་དུས་རབས་སྔ་ཕྱིའི་བོན་གྱི་རྩོམ་པ་གྲགས་ཅན་གྱི་སྙན་རྩོམ་དང་། དེང་དུས་སྤྱི་ཚོགས་ཐོག་གདེང་འཇོག་ཐོབ་པའི་གསར་རྩོམ་མཁོ་འདོན་བྱས་ཏེ་གོ་དཀའ་བའི་ཞང་སྐད་དང་བརྡ་རྙིང་ལ་མཆན་འགྲེལ་བཀོད་དེ་བསྡུ་རྒྱུ་ཡིན།
རྩོམ་བསྡུ་དུས་ཡུན། ལོ་རེར་བཞིན་ཧོར་ཟླ་བརྒྱད་པའི་ཚེས་བཅོ་ལྔའི་བར་དུ་བསྡུ་མཚམས་འཇོག་རྒྱུ།
འབྲེལ་གཏུག་བྱེད་ས། མཁར་ནག་སྐལ་བཟང་རྒྱ་མཚོ། 13997442239 ཚུལ་ཁྲིམས་བསྟན་པ་འབྲུག་གྲགས། 13649741538 QQ:2367684046
རྩོམ་བསྐུར་ཡུལ། zhouzhi2018@yahoo.com.cn 1144232616@qq.com
青海省共和县邮政局 华角尼玛 15897255005 邮编：813000