སྐྱབས་རྗེ་བོན་བརྒྱ་རིན་པོ་ཆེས་རྩེ་གཞུང་སོ་ནག་ནས་བཀའ་དབང་བསྩལ་བ།
༢༠༡༢ལོའི་ཧོར་ཟླ་དྲུག་པའི་ཚེས་བརྒྱད་ནས་ཚེས་བཅུ་གཉིས་པར་རྩེ་གཞུང་སོ་ནག་བོན་ཕྲུག་གམ་གྲུབ་ཆེན་ནམ་མཁའ་ཐོག་འཛིན་སྤྱི་འདུལ་གར་གྱི་དབང་ཕྱུག་མཆོག་གི་གདན་ས་ཁྱད་པར་ཅན་སོ་ནག་བོན་པོ་ཚང་གི་འདུ་གནས་དཔལ་གཤེན་བསྟན་མདོ་སྔགས་དར་རྒྱས་གླིང་དུ༧སྐྱབས་རྗེ་བླ་མ་བོན་བརྒྱ་རིན་པོ་ཆེ་དགེ་ལེགས་ལྷུན་གྲུབ་རྒྱ་མཚོ་དཔལ་བཟང་པོས་སྤྱི་འདུལ་ཡི་དམ་རྒྱ་མཚོའི་བཀའ་དབང་ཐེངས་དྲུག་པ་དང་ཞི་ཁྲོ་དམ་པ་རིགས་བརྒྱའི་བཀའ་དབང་རྒྱས་བསྡུས། ཡུལ་དེའི་རྒན་པ་ལོ་ལོན་རྣམས་ཀྱི་འདོད་མོས་ལྟར་འཕོ་བ་འཇའ་གུར་མའི་བཀའ་ལུང་རྒྱས་པར་གནང་ཞིང་། མཇུག་མཐར་བོན་སྐྱོང་དམ་ཅན་རྒྱ་མཚོའི་རྗེས་གནང་དང་བཅས་སྐལ་ལྡན་གདུལ་བྱའི་ཚོགས་རྣམས་སྨིན་གྲོལ་གྱི་ལམ་ལ་བཀོད་པའི་བཀའ་དྲིན་བསྐྱངས། གཞན་ཡང་སྐབས་འདི་དང་བསྟུན་ནས་སོ་ནག་བོན་པོ་ཚང་གིས་རེབ་གོང་བོན་མང་རིག་འཛིན་འདུས་པ་རྒྱ་མཚོའི་ཚོགས་ལ་བསྐང་གསོལ་རབ་གནས་སོགས་ཀྱི་སྐྱབས་འཇུག་ཞུས་པ་བཞིན་དུ་ཡུལ་འདིའི་དད་ལྡན་སེར་སྐྱ་ཡོངས་ཀྱི་འདོད་བློ་ཡོངས་སུ་ཚིམས་པར་མཛད་དོ། །
༼གནས་ཚུལ་ཞིབ་རྒྱས་སུ་གཟིགས་འདོད་ན་རེབ་གོང་བོན་མང་དྲ་ཚིགས་སུ་གསལ། ༽ http://www.rgbm123.com/news/558/