༧གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་སྲིད་རྒྱལ་འབུམ་ཚོགས་གསུངས་བཞིན་པ།
གྲྭ་མང་རྣམས་ཀྱིས་འབུམ་ཚོགས་གསུང་བཞིན་པའི་སྐབས།
༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རི་བའི་བཀའ་དགོངས་གཞིར་བཟུང་འོག་ཏུ། ལོ་རེའི་ཆ་རྐྱེན་ལྟར་འདིར་གར་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་གྲྭ་ཚང་འདུས་མང་ནས། སྤྱིར་ཕན་བདེའི་འབྱུང་གནས་སངས་རྒྱས་གཡུང་དྲུང་བོན་གྱི་བསྟན་པ་རིན་པོ་ཆེ་འདི་ཉིད་དར་ཞིང་རྒྱས་ལ་ཡུན་རིང་དུ་གནས་པ་དང་། དགོས་སུ་འཛམ་གླིང་རྒྱལ་ཕྱི་ནང་ཡོངས་ཀྱི་མི་མཐུན་པའི་འཁྲུགས་རྩོད་ཞི་ཞིང་བདེ་བའི་འཆམས་མཐུན་ཡོང་ཆེད་སོགས་དང་། ཁྱད་པར་དུ་༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་མཁན་སློབ་རྣམ་པ་གཙོས། རིས་མེད་སྐྱེས་ཆེན་དམ་པ་གང་ན་སུ་བཞུགས་རྣམས་ཀྱི་སྐུ་ཚེ་བསྐལ་བརྒྱར་བརྟན་ཞིང་ཐུགས་ཀྱི་བཞེད་དོན་ཐམས་ཅད་ལྷུན་གྱིས་འགྲུབ་ཅིང་། འགྲོ་བ་སེམས་ཅན་ཐམས་ཅད་ཀྱི་རྐྱེན་ངན་པའི་བར་ཆད་ཞི་བ་དང་ལས་ངན་པའི་སྡིག་སྒྲིབ་བྱང་བ་སོགས་མདོར་ན་མི་མཐུན་པའི་འགལ་རྐྱེན་མ་ལུས་པ་ཐམས་ཅད་ཞི་ཞིང་འཚེ་མེད་ཞི་བདེའི་དཔལ་ལ་རོལ་བའི་ཆེད་དུ།
གྲྭ་མང་རྣམས་ཀྱི་ཟུར་ཞིག
འབུམ་ཚོགས་སྐབས་ཀྱི་ཚོགས་རྫས།
ཕྱི་ལོ་༢༠༡༢ཟླ་༩་ཚེས་༢ཉིན་༧གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་ནས་བཀའ་སྐྱོང་ཡེ་ཤེས་དབལ་མོ། བསྟན་སྲུང་ཡོངས་ཀྱི་གཙོ་མོ། བདེ་འགྲོ་གསང་བའི་ཡུམ་གྱི་འབུམ་ཚོགས་རྒྱས་འབུལ་དབུ་འཛུགས་གནང་བཞིན་ཡོད་པ་བཅས་ཀྱི་གནས་བསྡུས།